Një 43-vjeçar ka mbetur i plagosur me armë zjarri pas një konflikti verbal i cili agravoi mëngjesin e sotëm në Durrës. Mësohet se komshiu Augert Zera është shqetësuar nga zhurma dhe i ka dhënë urdhër që të ndërpresë punën. Fillimisht të dy janë përplasur me fjalë dhe më pas sherri ka agravuar deri në përdorimin e armës.
“Mos bëj zhurmë, e di ti kush jam unë”, kështu ka nisur gjithçka mes tyre derisa 35 vjeçari ka marrë armën dhe e ka qëlluar punëtorin e ndërtimit me një plumb në këmbë. Autori, 35-vjeçari Zera, është arrestuar.
Grupi hetimor, nën drejtimin e Prokurorisë, vijon punën për sqarimin e plotë të rrethanave të ngjarjes.
