Policia e Shkodrës njoftoi arrestimin në flagrancë të një 21-vjeçari nga Kruja me iniciale A. B. I cili akuzohet për veprat penale “Dhënia ndihmë për kalim të paligjshëm të kufirit” dhe “Korrupsioni aktiv i personave që ushtrojnë funksione publike”.
Policia thotë se i riu po udhëtonte me automjetin tip kamionçinë në aksin rrugor Shkodër - Hani Hotit, dhe në vendin e quajtur “Vukpalaj”, është ndaluar nga shërbimet e policisë.
Për t’i shpëtuar kontrollit në brendësi të kamionçinës, 21-vjeçari ka tentuar të korruptojë punonjësit e Policisë Rrugore duke iu ofruar një shumë parash.
Policia thotë se ka ushtruar kontroll në automjet dhe në brendësi të tij kanë gjetur 30 shtetas të huaj nga vendet e treta, (Bangladeshi), të cilët ky shtetas po i transportonte në drejtim të kufirit të gjelbër, me qëllim kalimin e paligjshëm të kufirit, në drejtim të Malit të Zi.
Policia thotë se dosjen ia ka kaluar Prokurorisë së Shkodrës për veprime të mëtejshme. ©LAPSI.al
