“Të paktën 20 300 ushtarë rusë janë vrarë në Ukrainë që nga fillimi i pushtimit”, - njoftoi sot ushtria e Kievit në llogarinë e saj në Tëitter. Kievi bëri përditësimin e fundit mbi humbjet e pësuara nga Moska deri më tani si dhe numrin e automjeteve ushtarake ruse të goditura dhe të shkatërruara nga rezistenca ukrainase.
Ushtria ukrainase bën me dije se pas 53 ditësh konflikt ka rrëzuar 165 avionë luftarakë, 146 helikopterë dhe 148 dronë.
Forcat e Kievit pretendojnë se kanë shkatërruar 773 tanke ruse, 376 mjete artilerie, 2 002 transportues të blinduar të personelit, 4 sisteme raketash balistike me rreze të shkurtër veprimi, 127 sisteme raketahedhëse, 8 anije, 1 471 automjete, 76 cisterna karburanti, 66 njësi mbrojtëse kundërajrore dhe 27 njësi të pajisjeve speciale. ©LAPSI.al
