Mediat serbe shkruajnë se autoritetet kanë nisur hetimet për një tjetër kërcënim me vdekje për presidentin Aleksandër Vuçiç. Bëhet fjalë për një person që në rrjetet sociale prezantohet si ish-aktor dhe kantautor.
Ai ka postuar një video ku bën thirrje për vdekjen e Vuçiç duke e ilustruar me pamjen e “kositësit” që simbolizon vdekjen.
Mbi imazh shkruhet “Për Aleksandër Vuçiçin” dhe që shoqërohet me këngën “Je i vdekur”.
“Je i vdekur, thika është e gjatë, nata është e ftohtë, vdekja do të vijë në derën tënde në agim”, - janë fjalët e këngës citon “B92”.
Prokurori i Beogradit urdhëroi Departamentin Special për Krimet e Teknologjisë që të ndërmarrë të gjitha veprimet dhe masat për të identifikuar autorin e këtij kërcënimi. ©LAPSI.al
