Formula e propozuar nga PS është për përzgjedhjen e kandidatëve për President përmes një zarfi anonim ku do të paraqiten 3 emra nga secili deputet socialist.
Gupi parlamentar i PS-së do të mblidhet të martën që vjen, ku do të bëhen edhe propozimet konkrete.
Procedura përcakton qartë se një grup prej tre deputetësh, kreu i grupit parlamentar socialist, Taulant Balla, Sekretari i Përgjithshëm i PS, Damian Gjiknuri si dhe Ministrja e Shtetit për Marrëdhëniet me Parlamentin, Elisa Spiropali, do të jenë ata që do të bëjnë përzgjedhjen e këtyre kandidatëve të sjellë nga deputetët. Kujtojmë se më 24 korrik mbaron mandati i presidentit Ilir Meta.
