Rusia deklaroi se më shumë se 1000 marinsa ukrainas janë dorëzuar në portin e rrethuar të Mariupolit, por Ukraina e mohon këtë.
Nënkryetari i bashkisë së qytetit, Serhiy Orlov, tha për BBC se trupat ukrainase atje ishin ende duke luftuar.
Sipas autoriteteve vendase dhjetëra mijëra njerëz kanë vdekur në Mariupol.
Luftimet duket se po vazhdojnë rreth fabrikës gjigante të çelikut Azovstal pranë portit, e cila është një nga dy zonat që nuk është nën kontrollin rus.
Televizioni rus ka transmetuar pamje që tregojnë se marinsat dorëzohen në fabrikën e çelikut.
Por një këshilltar i presidentit të Ukrainës këmbënguli se marinsat kishin depërtuar për t'u lidhur me forcat e batalionit Azov në një xhep tjetër.
Mariupol është një qytet port i madh dhe një objektiv kyç për Rusinë, pasi ajo kërkon të krijojë një rrugë tokësore për në gadishullin e Krimesë, të cilën e aneksoi në 2014.
Qyteti ka qenë në qendër të një sulmi shkatërrues nga forcat ruse dhe trupat ukrainase atje kanë thënë se po u mbarojnë municionet.
Një zyrtar i lartë i mbrojtjes amerikane tha se sulmet ajrore ruse vazhdojnë të godasin Mariupolin dhe SHBA nuk beson se qyteti është pushtuar plotësisht nga Rusia.
Më herët të mërkurën, gazetarët e Reuters panë flakë që shpërthyen nga fabrika e çelikut Azovstal ku marinsat nga brigada e 36-të janë izoluar prej javësh.
Popullsia e Mariupolit ishte mbi 400 mijë para pushtimit rus. Banorët që nuk arritën t'i shpëtojnë rrethimit kanë luftuar për mbijetesë. ©LAPSI.al
