Kryeministri Edi Rama, i cili prej ditës së hënë është në një vizitë në Gjermani ka patur një bashkëbisedim me gazetarët në Berlin. Një prej gazetarëve e pyeti për lënien jashtë të 3 socialistëve dhe futjen në parlament të djalit të ish-deputetit socialist, Aqif Rakipit, i cili dje u shpall non grata nga SHBA. Kryeministri Edi Rama ka dhënë një përgjigje të shkurtër, pa mbajtur një qëndrim për deputetin aktual të PS-së, Orlando Rakipi.
Pyetja: Zoti kryeministër, ju keni lënë jashtë zonës së sigurtë socialistë që kanë kontribute në parti, ndërsa në Kuvend sot keni djalin e një personi që është shpallur non-grata, si mendoni, keni marrë vendimin e duhur?
“Të vijmë deri në Berlin për të folur për kandidatët e PS në Tiranë më duket pak e sforcuar, kështu që kalojmë në pyetjen tjetër”,-tha Rama.
