Vizita e kancelarit austriak Karl Nehammer në Rusi për bisedime me Vladimir Putin ishte e para nga një udhëheqës i BE-së që kur nisi pushtimi i Ukrainës.
Nehammer u tha gazetarëve se ai nuk kishte "asnjë përshtypje optimiste" për të raportuar nga biseda.
“Ofensiva [në Ukrainën lindore] me sa duket po përgatitet në një shkallë masive. Nuk ishte një vizitë miqësore, por një përballje e qartë me faktet”, - shtoi ai.
Kancelari tha se Moska fajësonte Ukrainën për dështimin e korridoreve humanitare për të nxjerrë civilët nga qytetet më të prekura.
“Kjo është një formë arsyetimi që unë nuk e pranova, por theksova se duhet të jetë detyrë e ushtrisë ruse që të sigurojë sigurinë e këtyre korridoreve, në mënyrë që të evakuohen civilët që po durojnë kaq shumë vuajtje gjatë kësaj lufte”, - tha ai. ©LAPSI.al
