Ministrja e Energjetikës dhe Infrastrukturës Belinda Balluku ka deklaruar se Shqipëria ka marrë me qera dy anije prodhuese të energjisë elektrike. Në mbledhjen e Komisionin e Energjetikës, Balluku tha se këto anije do t’i japin Shqipërisë pavarësi gjatë verës.
“Kemi arritur marrëveshje për të marrë me qira 2 anije të prodhimit të energjisë elektrike deri sa TEC të vihet në punë. Janë termocentrale lundruese dhe janë arritje e madhe se do na garantojë një pavarësi energjike.
Sigurisht që do të jetë e kufizuar, por i jep një frymëmarrje kësaj situate. Do japim detaje kur t’i kemi anijet e ankoruara në Triport, u realizua me mbështetje dhe të ambasadores Kim.
Jemi munduar të gjejmë dy anije të certifikuara nga Banka Botërore. Fakti që ajo zonë është turistike na ka bërë që të kërkojmë mjete lundruese termocentrale që mbrojnë ambientin, kërkuam certifikatat dhe këto anije i kanë,” - shtoi Balluku.
