Drejtori i Përgjithshëm i Policisë së Shtetit, Gledis Nano, ka nisur një takim në selinë e Strukturës së Posaçme Kundër Korrupsionit dhe Krimit të Organizuar. Takimi vjen një ditë pas përplasjes për arrestimin e Alqi Bllakos.
SPAK i ka kërkuar policisë që ta mbante nën vëzhgim, por për gati 12 orë ai u zhduk.
SPAK po kështu prishi edhe skenarin e Policisë që tha se Bllako ishte në komisariat prej mbrëmjes.
Përmes një njoftimi ata saktësuan orën 03:30 të mëngjesit kur ish-deputeti i PS-së ishte dorëzuar në drejtorinë vendore të Policisë në Tiranë. ©LAPSI.al
