Nxënësit e shkollës 'Isa Boletini' në Kamëz dhunohen nga drejtori i shkollës, Përparim Oka.
Emisioni Fiks Fare transmetoi video ku duket qartë drejtori i shkollës i cili brenda në klasë dhunon me shpulla tre nxënës. Ai i ka ngritur të tre nxënësit para klasës dhe fillon e i godet me shpulla.
"Kujtuat se ma hodhët mua" - dëgjohet drejtori të thotë në video e më pas ushtron dhunë mbi nxënësit.
Kjo video është dërguar nga një nxënëse që ka qenë prezent në atë orë mësimi. Ajo u tregon gazetarëve që drejtori dhunon nxënësit vazhdimisht edhe në zyrën e tij, sa herë i kap në korridore apo jashtë klase.
Gazetarët e Fiksit shkojnë në shkollën 'Isa Boletini' në Kamëz ku kërkojnë që të flasin me drejtorin për këtë problem, por ky i fundit nuk pranon t'i takojë me justifikimin se është i zënë me mbledhje.
https://www.youtube.com/watch?v=-hghNut_1KM
