“Rusia do të kufizojë vizat për vendet të cilat i konsideron jomiqësore”, ka bërë me dije ministri i Jashtëm rus Sergei Lavrov.
Kujtojmë se Rusia ka përfshirë në listën e vendeve jo miqësore edhe Shqipërinë, listë e cila përfshin vendet e BE-së. Kjo është arsyeja pse dhe shqiptarët që duan të udhëtojnë drejt Rusisë preken nga ky vendim.
Sipas mediave të huaja, lista përfshin Shtetet e Bashkuara dhe Kanadanë, shtetet e BE-së, Mbretërinë e Bashkuar, Ukrainën, Malin e Zi, Zvicrën, Shqipërinë, Andorrën, Islandën, Lihtenshtajnin, Monakon, Norvegjinë, San Marinon, Maqedoninë e Veriut, dhe gjithashtu Japoninë, Korenë e Jugut, Australinë, Mikronezinë, Zelandën e Re, Singaporin dhe Tajvanin (i konsideruar si një territor i Kinës, por udhëhequr nga administrata e tij që nga viti 1949).
