Mediat serbe njoftuan arrestimin e një të riu të akuzuar se kishte në plan vrasjen e vrasjen e Presidentit Aleksandër Vuçiç. Sipas të njëjtave burime, Dragan V. u arrestua të shtunën pasi u denoncua nga partnerja e tij e cila e raportoi në polici për dhunë në familje dhe planifikimin e vrasjes së presidentit.
Gjatë kontrollit në banesë janë gjetur një maskë, 2 pistoleta, rreth 200 copë fishekë, 6 thika dhe një laptop. Ai është marrë në pyetje nga autoritetet duke deklaruar se arma është e babait të tij të ndjerë dhe ka mohuar akuzat e partneres se ka planifikuar të vrasë presidentin e më pas të vrasë veten.
Për momentin ai është lënë në burg me akuzën e armëmbajtjes pa leje për të cilën dënohet me burgim nga 2 deri në 12 vjet. Mediat serbe që janë pranë Vuçiç kanë raportuar edhe se ai është truprojë e njërit prej liderëve të opozitës. ©LAPSI.al
