Hera e fundit që Lulzim Basha u pa në publik pas dorëheqjes së tij ishte një ditë pas deklarimit të vendimit kur shkoi sërish në selinë e PD-së.
Por pas vendimit të gjykatës së Tiranës që njohu Kuvendin e organizuar nga Komisioni i Rithemelimit, Basha u zhduk nga ngjarjet zyrtare të politikës, përveç disa fotove që qarkulluan në darka dhe takime me të rinj në fshatrat e Tiranës.
Mediat raportojnë se pas largimit nga detyra e kryetarit të PD-së, Basha ka marrë një zyrë të re në katin e 10-të të qendrës “Torre Drin”, në qendër të Tiranës, shumë pranë selisë së Partisë Demokratike.
Sipas të njëjtave burime Basha e ka boshatisur të shtunën zyrën që mbajti për 9 vite në selinë blu. Nga zyra e re, Basha ka nisur edhe axhendën e takimeve ku ndihmohet nga një staf i ngushtë i tij. ©LAPSI.al
