Ish-kryetari i Partisë Demokratike Lulzim Basha vazhdon takimet me demokratët edhe pse një javë më parë deklaroi dorëheqjen.
Ndryshe nga Berisha që të dielën ishte në Tepelenë dhe Përmet dhe mbajti për disa orë ekranet e TV-ve informativë, Basha ka zgjedhur që të punojë në heshtje.
Pa kamera dhe pa njoftim për mediat, Basha mblodhi të dielën një grup demokratësh në zonën e Dajtit dhe në degën 8 në Tiranë.
Vetë Basha nuk dha detaje nga takimi pasi edhe fotoja është publikuar në rrjetet sociale nga një prej të pranishmëve.
Pak ditë më parë Basha mblodhi disa nga kryetarët e degëve në një prej restorantet e Tiranës ndërsa ka vijuar me takime pa praninë e medieve.
Ish-kreu i PD-së ka marrë tashmë edhe një zyrë në një prej kullave në qendër të Tiranës, pranë Partisë Demokratike. ©LAPSI.al
