Ish-kryeministri Sali Berisha ka bllokuar foltoren e Kuvendit teksa kërkoi të marrë fjalën, pas akuzave të ministrit Damian Gjiknuri. Kjo kërkesë u refuzua nga zv.kryetarja e Kuvendit, Ermonela Felaj e cila i bëri të ditur se nuk mund të vijojë me fjalën e tij.
“Nuk ke të drejtë të marrësh fjalën për replikë. Liro foltoren”, tha Felaj.
Sipas Felajt, Gjiknuri nuk ngriti akuza dhe fyerje ndaj Berishës, edhe pse deputeti socialist e quajti ish-kryeministrin një kufomë. Pa mikrofon, Berisha replikoi me Gjiknurin duke thënë se arritja më e madhe e qeverisë së drejtuar prej tij ka qenë projekti TAP, ndërkohë që arritjet e qeverisë Rama janë vjedhjet.
