Ish-kryetarja e parlamentit dhe ish-nënkryetarja e PD-së, Jozefina Topalli ka kujtuar një frazë të saj të thënë më herët se “kur të ikë Lulzim Basha, do të kthehet në PD”. Tashmë që Basha rrëfen planet e saj.
“Unë kam thënë se kur të ikë Lulzim Basha, do të kthehem në PD. Shumica kanë ardhur tek ato kauza që unë kam ngritur gjatë viteve.
Unë do të dëshiroja që të mbështesja një proces të sinqertë dhe të vërtetë me kushtin që të gjithë ata që kanë mbështetur Lulzim Bashën gjatë kësaj periudhe të tregojnë që distancohen nga politika e klientelizmit me vepra. Unë besoj në bashkime vlerash, nëse kjo do bëhet, unë do të jem e përfshirë.
Unë nuk jam larguar kurrë nga Partia Demokratike. Unë jam aty ku kam qenë gjithmonë. Janë të tjerët që po afrohen tek unë” – tha Topalli në një intervistë për gazetaren Mirela Milori në Klan News.
E pyetur nëse ka ambicie për të qenë kryetare e PD-së, Topalli e refuzoi prerë.
“Jo, e prerë jo! Nuk kam ambicie për të qenë kryetare e PD, kjo është parti e ka treguar se është e Sali Berishës. Të thuash të kundërtën është si të gënjesh veten. Më pëlqen apo nuk më pëlqen, ky është realiteti” – tha Topalli. ©LAPSI.al
