Shtetasit afganë që u kontrabanduan janë vendosur në Qendrën e Azilit në Magurë, tetë prej tyre janë fëmijë
Kësaj qendre mbrëmjen e së enjtes iu shtuan 19 banorë. E këta të fundit, shfrytëzuan rrugët ilegale, që nga Afganistani të vijnë në Kosovë.
Këtë ua mundësuan dy jordanezë, të cilët pasi u zunë, duke kryer këtë vepër penale, u dërguan në mbajtje.
Në mesin e 19 shtetasve të Afganistanit, tetë prej tyre janë fëmijë. Këta i takojnë grup moshave të ndryshme, prej fëmijë e deri në 17 vjet.
Me të arritur në qendër, këtyre azilkërkuesve, iu ofrua akomodimi.
Deri tani, të njëjtit iu kanë nënshtruar edhe të gjitha kontrolleve shëndetësore.
Fitim Zariqi, drejtor i Qendrës për Azil tregon që të njëjtit do t’i nënshtrohen procedurave që parashihen me ligj, ditëve në vijim.
Por këta nuk janë të vetmit shtetas afganë që kanë statusin e azilit në Kosovë.
Edhe të tjerë janë duke u strehuar në këtë qendër, të cilët i përkasin nacionaliteteve të ndryshme.
Brenda pak ditësh, shtetasit afganë do të pajisen me letërnjoftim të azilit, me të cilin mund të qarkullojnë brenda shtetit. /Express
