Një nga organet e fundit të lajmeve të pavarura ruse, TV Rain ka ndërprerë transmetimin për një kohë të pacaktuar pasi u vu nën presion për mënyrën e trajtimit të lajmeve të luftës në Ukrainë.
Kanali, i njohur edhe si “Dozhd”, përfundoi transmetimet e tij duke treguar stafin që po largohej nga studiot.
Rregullatori rus i telekomunikacionit e akuzoi kanalin për "nxitje të ekstremizmit, abuzim me qytetarët rusë, shkaktim të prishjes masive të qetësisë dhe sigurisë publike dhe inkurajimit të protestave".
Një nga drejtuesit e TV në fjalimin e fundit përmendi frazën e njohur “No pasaran” (nuk do të kalojnë). Shprehja e ka origjinën nga beteja e Verdunit në Luftën e Parë Botërore e përdorur nga një gjeneral francez. ©LAPSI.al
