Mijëra serbë kanë dalë në protestë në mbështetje të sulmit që Rusia ndërmori kundër Ukrainës. Rrugët e Beogradit janë mbushur me protestues pro-rusë që kanë bërë thirrje për mbështetje ndaj luftës. Pak ditë më parë Serbia votoi në OKB rezolutën që e dënon sulmin ndaj Ukrainës, ndërsa Vuçiç vendosi të mos i bashkohej sanksioneve perëndimore ndaj Rusisë. Serbia është i vetmi vend në Europë që mban protesta në mbështetje të Putinit.
[video width="320" height="568" mp4="https://cdnimpuls.com/lapsi.al/wp-content/uploads/2022/03/protesta-proruse.mp4"][/video]
Përfaqësuesit e organizatave të ekstremit të djathtë – Damnjan Knezevic nga Patrulla Popullore, Mladen Obradovic nga Obraz – iu drejtuan pjesëmarrësve të protestës nga skena duke u thënë se nëse Serbia vendos sanksione ndaj Rusisë pas zgjedhjeve, dy herë më shumë njerëz se sonte do të dalin në rrugë. Knezevic u dërgoi një mesazh CNN, BBC dhe RTS, “se rusofobia në Serbi është një gabim statistikor”.
Obradovic tha se “Rusia po çliron të gjithë botën nga kërcënimet e NATO-s” dhe se sot “Putini ka treguar se kush është burrështetasi më i fortë dhe më i guximshëm në botë”.
Horrifying scenes out of Belgrade, Serbia tonight:
• Desecration of the EU flag • Support for Russian invasion of Ukraine • Chants attacking Kosovo and glorifying convicted war criminal Mladic. Serbia is the only European country rejecting EU calls for sanctions on Russia. pic.twitter.com/VYm562Ey4h Protestuesit janë mbledhur në afërsi të Presidencës së Serbisë, duke e mbyllur rrugën për qarkullim. Të mbledhurit po këndojnë mesazhe mbështetjeje për Rusinë, e cila filloi pushtimin e Ukrainës të enjten e kaluar, shkruan media kroate. — Admirim (@admirim) March 4, 2022
Tubimi filloi me himnet e Serbisë dhe Rusisë, qytetarët po mbajnë flamuj rus dhe serb dhe po brohorasin “Rusi, Rusi”, “Serbët dhe rusët janë vëllezër përgjithmonë”, “Tradhëti, tradhëti” dhe “Vuçiç Shqiptar, e tradhtove Serbinë”.
Protestuesit më pas shkuan për shëtitje drejt ambasadës ruse.
