Dy futbollistë të rinj, një ish-atlet i biatlonit, dy vajza që ndiqnin shkollën fillore, një ish-pilot që u kthye si vullnetar, një operator televiziv... të gjithë të vrarë nga bombardimet ndaj Kievit. Këtu janë viktimat e para simbolike të pushtimit rus të Ukrainës.
Iryna Tsvila - Artizane, kishte një punëtori bizhuterish në Kiev. Ajo ishte një rezerviste e thirrur për të mbrojtur vendin e saj. U vra më 26 shkurt.
Yevhen Malyshev (19 vjeç) – Ish-atlet i ekipit kombëtar të biatlonit të të rinjve të Ukrainës. Po kryente shërbimin ushtarak.
Oleksandr Oksanchenko (53) - Pilot, ai doli në pension në vitin 2018 nga detyra aktive. U kthye si vullnetar. I vrarë në një betejë ajrore. Pseudonimi "Ujku gri".
Polina – Vajza e vogël ishte në vitin e fundit të shkollës fillore në Kiev. E vrarë së bashku me prindërit e saj në një shkëmbim zjarri gjatë një sulmi rus.
Alisa Hlans (7 vjeçe) - Ajo ishte duke luajtur me shokët e saj kur shkolla fillore u godit nga një sulm ruse pranë kufirit verilindor në ditën e dytë të luftës.
Yevhenii Sakun - "Ish-kolegu im, kameramani i televizionit Yevhenii Sakun, u vra në sulmin me raketa ruse në Baby Yar (përkujtimorja e Holokaustit)". Raportimi i gazetares Olga Tokariuk.
Dmytro Martynenko (25 vjeç) - I vrarë nga një bombë që ra në shtëpinë e tij. Sulmues i skuadrës së futbollit FC Hostomel. Sezonin e kaluar u nderua si lojtari më i mirë i divizionit të dytë, ku ishte edhe golashënuesi më i mirë.
Vitalii Sapylo (21 vjeç) - Komandanti i tankeve dhe ish-mbrojtësi i Karpaty. Vdiq në betejë afër Kiev. Kështu bëri të ditur Federata Ndërkombëtare e futbollistëve profesionistë, FifPro. ©LAPSI.al
