Edhe politika shqiptare reagoi ndaj sulmit të shpejtë të orëve të para të mëngjesit të sotëm të Rusisë mbi Ukrainën.
Lexo më tej: Lufta filloi/Rusia sulmon Ukrainën. Shpërthime në Kiev
Kryeministri Edi Rama reagoi në Twitter me një shkrim të shkurtër në gjuhën angleze.
"Ne i bashkohemi aleatëve tanë në NATO dhe BE në dënimin e fortë të agresionit rus. Mendimet tona janë me njerëzit e Ukrainës" - shkroi Rama.
Presidenti Ilir Meta reagoi në Facebook duke i bërë thirrje Rusisë të tërhiqet nga veprimet ushtarake kundrejt Ukrainës.
Edhe Lulzim Basha reagoi për ngjarjen e paprecedentë në lindje të Europës.
Basha, sikurse Rama, reagoi në Twitter në anglisht duke folur në emër të PD-së, duke theksuar se PD dënon ashpër agresionin ushtarak rus ndaj Ukrainës.
Basha është edhe më radikal në thirrjet e tij. Ai i kërkon OKB-së, NATO-s dhe BE-së që të ndërmarrin një suport të fortë, të shpejtë dhe të unifikuar për Ukrainën. ©LAPSI.AL
