Kryeministrit Edi Rama nuk i ka pëlqyer një pyetje e një gazetari pas seancës 10 orëshe në komisionin për inceneratorët. Ai e pyeti se meqë deklaroi se ishte krenar për punën me ish-ministrin Koka a do ta merrte këshilltar atë më vonë, por Rama tha se kjo ishte ironi që nuk mund ta pranonte.
“Bëni mirë të mos imitoni shembujt më të këqij. Unë ndalova për respekt. Këto ironi unë nuk i lejoj. Kjo nuk është mirë. Kjo nuk është kulturë gazetarie dhe nuk është etikë. Të gabosh është njerëzore, të këmbëngulësh është djallëzore” – tha Rama me ton.
I pyetur se si u ndje që u rikthye të dëshmojë në një komision hetimor pas atij të shumë viteve më parë në komisionin “Olldashi” Rama tha se “nga pyetja e parë në komision hetimor ka kaluar shumë kohë. Ka ndryshuar një gjeneratë aty dhe ata kanë mbetur po ata” duke iu referuar opozitës.
Rama tha se Jorida Tabakun do të takohet në gjykatë sapo të mbarojë hetimi i SPAK pasi për të është e papranueshme etiketimi si “grup i strukturuar kriminal”.
“Zonja Tabaku është recidiviste për shpifje do takohemi në gjykatë. Nuk ndodh që një politikan, një politikane të angazhohet me publikun për të ngritur akuzën e një grupi të strukturuar kriminal. Kur të mbarojë i gjithë hetimi i SPAK atëherë do të shkojmë në gjykatë” – tha Rama që këmbënguli se opozita nuk e faktoi dot akuzën e shpërdorimit të 430 milionë eurove.
“Nuk kanë çfarë të shpjegojnë ata për 430 milion eurot sepse ajo nuk ekziston. Është një vlerë për të paguar deri në vitin 2047 kur unë do ta kem mbyllur jetën time politike. Kjo u pranua edhe nga zonja Tabaku kur tha se nuk mund të koncesioni të ardhmen. Është e gjitha një farsë për të baltosur për të bërë atë që kanë bërë gjithomë.
Përsa i takon hetimit nga SPAK dhe dyshimeve për korrupsion është një linjë krejt tjetër që kja të bëjë me përgjegjësi individuale se pas shpinës së qeveris, pas sjhpinës së publikut ka bërë padrejtësi. Për këtë kemi bërë reformën në drejktësi. Ministrat kanë punën e tyre, drtejtësia ka punën e saj. ndaj po i ndajmë gjërat edhe pse do të kërkojë pak kohë, por do të vijë.
Le të më thotë kush e ka menduar deri para pak vitesh që do të kishim ministra të akuzuar dhe të dënuar me burg. Janë shenjat e para që të një transformimi që do të kërkojë kohë. Këtu nuk nuk ka pasur kohë që në gjykata të jepet drejtësi.
Pse e vonuam sqarimin për inceneratorët? Prita të mbaronte Big Brother. Mirupafshim” – e mbylli Rama. ©LAPSI.al
