Më shumë se 1700 persona janë arrestuar gjatë protestave kundër luftës në dhjetëra qytete në Rusi. Më shumë se 900 persona u arrestuan në Moskë dhe mbi 400 në Shën Petersburg, sipas OVD-Info, e cila gjurmon arrestimet në mitingjet e opozitës.
Mijëra njerëz u mblodhën pranë sheshit Pushkin në qendër të Moskës, ndërsa deri në 1 mijë njerëz u mblodhën në ish-kryeqytetin perandorak Shën Petersburg, raporton agjencia e lajmeve AFP.
Thirrja e tyre ishte: "Jo luftës". "Jam e shokuar. Të afërmit dhe të dashurit e mi jetojnë në Ukrainë," – tha për AFP, Anastasia Nestulya, një 23-vjeçare nga Moska duke shtuar: "Çfarë mund t'u them atyre në telefon? Rrini atje?" ©LAPSI.al
