Deputeti i PD-së Edi Paloka që mbështet ish-kryeministrin Berisha ka deklaruar qëndrimin e tij kundër zgjatjes së mandatit për organet e Vettingut që pritet të votohet nesër në Kuvend.
Në një postim në Facebook, Paloka shkruan se nesër nuk do të jetë në seancë, por që qëndrimi i tij është kundër këtij propozimi pasi Komisioni i Vettingut sipas deputetit ka në përbërje familjarë të qeveritarëve.
Paloka nuk i kursen shigjetimet për PD-në e drejtuar nga Basha.
“Kush voton per ti zgjatur jeten nje komisioni te perbere nga familjare te afert te qeveritareve, i cili ne te gjithe aktivitetin e tij ka marre vendime politike duke kthyer ne farse reformen ne drejtesi, eshte thjeshte sherbetor i Rames ne kapjen e plote te drejtesise!
Deputetet qe jane ne ate Parlament me voten e demokrateve, nuk mund te behen pjese e nje procesi te tille. Neser do te jemi perpara nje fakti tjeter qe do te tregoje qartazi se cila eshte opozita e vertete dhe kush eshte kthyer ne bishtin e Rames me zi se “opozita e kerperates dhe jenisherit” – shkruan Paloka.
Më herët OSBE, Delegacioni i Bashkimit Evropian në Shqipëri, ambasada e Shteteve të Bashkuara të Amerikës në Tiranë dhe ajo britanike u kanë bërë thirrje deputetëve që të votojnë pro zgjatjes së mandateve të organeve të Vettingut.
