Kryetarja e LSI-së Monika Kryemadhi ka akuzuar kryetarin e Partisë Demokratike Lulzim Basha se ishte ai që e përçau opozitën duke çuar më pas në humbjen e zgjedhjeve të 25 prillit.
“Marrëveshja e 5 qershorit ishte krisja e parë se zoti Basha nuk donte ta firmoste. E mbani mend “topi është në fushën e Luli Bashës”. Kjo marrëveshje nuk do firmosej ditën tjetër. Po ka qenë Lëvizja Socialiste për Integrim janë dëshmitarë zoti Bylykbashi dhe zoti Vasili që thamë ne do ta firmosim.
Pasi u firmos marrëveshja e 5 qershorit që betonizonte 85% të vendeve në Parlament të opozitës. Edhe të Nismës Thurje edhe të shumë partive të tjera. Aty fillon origjina” – tha kryemadhi në emisionin “Opinion” që më pas nxorri SMS-të që i dërgonte Bashës në fushatë kundër Gazmend Bardhit.
“Ky kandidati i PD në Prrenjas është ulur me Ballën dhe bën thirrje votoni PD, vetëm LSI mos votoni. Edhe në Gramsh bashkëpunuan kandidatët e PD me PS, ngaqë ka Taulanti personale me LSI-në. Kandidatët të mos futen në luftën mes LSI dhe PS. Thuaja Gazit! Atij nuk i punon truri. I kam thënë 100 herë” – lexoi Kryemadhi SMS-në që kishte marrë nga baza dhe që ia kishte përcjellë Bashës.
“Basha më mori në telefon; “E qartë, flas unë me Gazin!” – ishte përgjigjja e Bashës sipas kryetares së LSI-së. ©LAPSI.al
