Mbështetës të Komisionit të Rithemelimit kanë pritur me protesta dhe pankarta Lulzim Bashën gjatë një takimi që ky i fundit është duke mbajtur në qytetin e Durrësit. Nën thirrjet: Turp hodhe gaz kundër nesh, apo Basha ik, mbështetësit e FRPD-së dhe të Komisionit kanë shfaqur pakënaqësitë e tyre ndaj sjelljeve të Bashës. Në duar ata mbanin pankarta në të cilat lexohet; Kemi bërë burg për të ndihmuar ty, ti na shite tek Rama!; Lulzim Brava peng i qeverisë!; Lulzim Brava boll mashtrove ambasadat e huaja! apo dhe STOP kapjes së PD nga Rama…!
Kjo nuk është hera e parë që kryedemokrati përballet me të tilla reagime. Kujtojmë se përpara disa ditësh kryetarin e Partisë Demokratike e sulmuan me vezë përpara një takimi që ai kishte me gratë e PD-së.
[video width="848" height="480" mp4="https://cdnimpuls.com/lapsi.al/wp-content/uploads/2022/01/WhatsApp-Video-2022-01-22-at-6.03.41-PM-1.mp4"][/video]
