Ka marrë flakë linja e tensionit të mesëm pranë një shkolle 9-vjeçare në Tiranë, duke shkaktuar panik te nxënësit.
Mësohet se ngjarja ka ndodhur pranë shkollës “Ahmet Gashi”, në Laprakë.
Për efekt sigurie, ka nisur evakuimi i nxënësve për të shmangur ndonjë incident të mundshëm.
Ndërkohë, policia dhe forcat zjarrfikëse kanë mbërritur në vendin e ngjarjes dhe po punojnë për normalizimin e situatës.
Detaje nga policia:
Më datë 17.01.2022, rreth orës 11:00, në Laprakë, jashtë rrethimit të shkollës “Ahmet Gashi”, në një shtyllë tensioni, ka pasur shkëndijë elektrike, ku ka vetëm dëme materiale.
Në vendngjarje kanë kaluar shërbimet e OSHEE-së, të cilat po merren me riparimin e saj.
