Në rrjetet sociale sot ka qarkulluar foto e një projekti për ndërtim kullash në vendin ku sot ngrihet selia e Partisë Demokratike. Në disa media pranë Bashës është shkruar se këto projekte janë miratuar me firmë të Sali Berishës në vitin 2013. Por ish-kryeministri ka reaguar sot përmes një deklarate, ku thotë se ai në fakt ka firmosur vetëm për kompleksin e Xhamisë së Madhe të Namazgjasë
"Pergenjeshtrim! Lul Brava ne mediat qe paguan po kerkon te pergenjeshtoje lajmin e botuar ne mediat e vendit per nje kompleks gjigand e lluksoz kullash, i cili e zhduk seline e PD nga aty ku ndodhet, duke thene se ai projekt eshte firmosur nga une ne 2013. Projekti qe une kam firmosur eshte ai i Xhamise se Madhe fillimi i punimeve te te ciles u inauguruan ne ate kohe ne prani te qindra besimtareve dhe nuk prekte seline dhe as oborrin e PD. Projekti qe zbuluan mediat sot e zhduk seline e PD sepse do ndertohet aty ku eshte sot selia e PD, te SHQUP. Pervec Portit te Durresit, projekti per ndertim e kullave te PD i ben prap bashke Ramen dhe Bashen. Duke denuar kete afere te paster korruptive kriminale Rama - Basha paralajmeroj keta bashkehajdute se selia e PD eshte tempulli i demokrateve shqiptar dhe kurre nuk mund te tjeteresohet nga bandat e narkoshtetit shqiptar!", shkruan Berisha.
