Dy shtetas janë arrestuar në Lezhë pasi dyshohet se kanë grabitur disa shtëpi në Lezhë.
Në operacionin “Shëtitësit e natës”, policia ka arrestuar shtetasit: S.K., 67 vjeç, A.K., 25 vjeç,(babai dhe djali), ndërsa është shpallur në kërkim 27-vjeçari me iniciale M.K. dhe është vënë nën hetim 21-vjeçari me iniciale S.Q.
Nga veprimet hetimore ka rezultuar se shtetasit e lartpërmendur në bashkëpunim me njëri-tjetrin, në Ishull Shëngjin, Ishull Lezhë dhe Shëngjin kanë vjedhur në disa banesa vegla punë dhe sende të tjera.
“Nga kontrolli i ushtruar në banesën e shtetasve:S.K., dhe A.K., janë gjetur dhe sekuestruar në cilësinë e provës materiale 1 armë zjarri automatik me 4 krehra, një pistoletë me krehër me fishekë, një armë e ftohtë thikë, përfocues grushti, doreza dhe vegla punë të dyshuara të vjedhura.
Gjithashtu, nga kontrolli i ushtruar në banesën e shtetasit V.Q., gjetën dhe sekuestruan në cilësinë e provës materiale një armë sportive, një armë gjahu dhe dylbi”, njofton policia.
Materialet procedurale i kaluan Prokurorisë së Rrethit Gjyqësor Lezhë, për veprime të mëtejshme.
