Tre persona të armatosur dhe maskuar kanë mësyrë në lokal bilardoje në aksin e vjetër Lezhë - Milot dhe kanë kërcënuar disa të rinj që qëndronin ulur aty.
Në pamjet e publikuara nga “Panorama” shihen këta persona me automatik në krah, teksa njëri prej tyre u afrohet të rinjve dhe u kërkon mjetet e identifikimit.
Pasi shohin identitetin e tyre, personat e maskuar dhe të armatosur dalin nga lokali dhe largohen. Nisur nga ajo që tregon kamera e sigurisë ngjarja ka ndodhur vetëm 1 javë më parë, në datën 13 nëntor.
Deri më tani në Policinë e Lezhës nuk ka pasur asnjë denoncim mbi këtë rast. Mbetet i paqartë qëllimi i personave të armatosur. ©LAPSI.al
https://www.youtube.com/watch?v=0HvZYiWvcfg
