Shqipëria emeton Eurobondin e ri 10-vjeçar. Ditën e sotme qeveria shqiptare doli në tregjet ndërkombëtare financiare me një obligacion ndërkombëtar të ri 10-vjeçar në vlerën prej 650 milionë euro me një kupon prej 3.50% me interes 3.75%.
Procesi u drejtua nga Zv. Kryeministri Arben Ahmetaj dhe Ministrja e Financave dhe Ekonomisë Delina Ibrahimi. Sipas qeverisë, ky ishte një test real për ekonominë shqiptare, që rikonfirmon besimin e tregjeve në qëndrueshmërinë e ekonomisë shqiptare edhe në kohë të vështira, pas goditjes se tërmetit dhe pandemisë.
Ky eurobond pason emetimet e mëparshme të realizuara në 2015 dhe 2018, 2020, ku u arrit financimi me po të njëjtin kupon si në 2020, 3.5%, por këtë herë me një afat maturimi 10-vjeçar. ©LAPSI.al
