Berisha mohoi në konferencën për gazetarët, akuzat që Lulzim Basha i ka bërë se Suel Çela, Aqif Rakipi dhe Tom Doshi janë bashkë në ndihmë të Foltores. Sipas Berishës, Basha di vetëm të gënjejë dhe ai vazhdimisht i ka gënjyer njerëzit e tij.
"Peng Basha nuk di gjë tjetër, veçse të gënjejë. Duhet të dini një gjë, ai që gënjen të tijët ai nuk lë njeri pa gënjyer. Unë nuk kam gjet një democrat që të thotë “nuk më genjeu Lul Basha”. Mund të jap edhe një përgjigje tjetër, por po jap këtë" tha Berisha.
Më herët, Lulzim Basha ka thënë se demokratët janë të habitur me angazhimin e Rrahman Rrajes, Tom Doshit dhe Suel Çelës në Foltore.
"Cfare pune ka me PD, por nëse doni edhe me Sali Berishën: Qifja, Suel Çela, Rrahman Rraja, Tom Doshi. Shumë njerëz jo vetëm demokratët pyesin: Ç’ne këta me Kuvendin e Partisë Demokratike? Pse kaq të investuar këta për nje akt të tille? Shpjegimi është i thjeshtë: Disa duan të jenë faktorë në PD dhe të vijojnë aferat e tyre korruptive e kriminale me PD-në siç kanë bërë e bëjnë me PS e Ramës" është shprehur Basha.
