Monika Kryemadhi e quajti një mashtrim pervers deklaratën e Gazmend Bardhit se para zgjedhjeve PD i ofroi LSI 15 mandate deputetesh por ata refuzuan. “Një pyetje për të gjithë anëtarët e kryesisë së PD: Kur është mbledhur kryesia e PD për t’i propozuar LSI listën e përbashkët? Në cilën ditë dhe orë? Listës së mashtrimit, që për djegien e mandateve do t’i dilte në krah kancelarja Merkel dhe PPE, iu shtua tashmë publikisht edhe kjo e 15 mandateve të ofruara. Një mashtrim pervers që kalon çdo limit njerzor dhe që i shërben vetëm Ramës dhe hijes së tij” shkruan Kryemadhi ne rrjetet sociale.
