Një ngjarje e rëndë ka ndodhur të shtunën në Selanik, Greqi.
Punonjësi 44-vjeçar i një dyqani është vrarë nga një i ri shqiptar, që kishte shkuar për ta grabitur.
44-vjeçari e kishte kuptuar se një grabitës i armatosur kishte hyrë në dyqan dhe ka tentuar ta ndalojë. Por gjatë përleshjes, grabitësi shqiptar e ka qëlluar me plumb në gjoks.
Shitësi dyshohet se ka rezistuar para se të vritej, ndërsa dëshmitarët flasin se në këtë zonë kanë ndodhur incidente të ngjashme, kryesisht nga narkomanë.
Sot është arrestuar autori i vrasjes dhe sipas mediave greke ai është një shtetas shqiptar 27 vjeç ndërsa bashkëpunëtori i tij është një grek 35-vjeçar.
27-vjeçari shqiptar është arrestuar në shtëpinë e tij mëngjesin e sotëm ndërsa bashkëpunëtori i tij grek mbrëmjen e djeshme.
