Këngëtari Ed Sheeran është izoluar në shtëpi pasi ka rezultuar pozitiv me Covid-19. Artisti tha në një postim në Instagram se do të vazhdonte të jepte intervista dhe shfaqje që kanë qenë të planifikuara, por nga shtëpia.
“I kërkoj falje kujtdo që e kam zhgënjyer duke anuluar disa nga planet e mia,”- tha Sheeran.
Një nga planet e fundit të këngëtarit ishte publikimi i albumit të ri. Në postimin e tij, Sheeran tha: “Hej djema, një shënim i shpejtë për t’ju thënë se fatkeqësisht kam rezultuar pozitiv me Covid, kështu që tani jam izoluar dhe po ndjek udhëzimet e qeverisë.
Kjo do të thotë që tani nuk jam në gjendje të vazhdoj me angazhimet personale, kështu që do të bëj sa më shumë intervista/shfaqje të planifikuara që mundem nga shtëpia.”
Sipas burimeve të “Page Six”, këngëtari Sheeran është në gjendje të mirë shëndetësore.
