Vogëlushja shqiptare Emauela Brahja është përcjellë në banesën e fundit pasi 2 ditë më parë u përplas nga një automjet përpara derës së shtëpisë së saj në provincën Campodarsego në Padova.
Në ceremonië e lamtumitës së 11-vjeçares morën pjesë qindra banorë të komunitetit vendas si shenjë proteste për ngjarjen e rëndë.
Babai Agroni dhe nëna Esmeralda, motra e vëllai, por edhe një komunitet me shqiptarë u mblodhën në funeralin e saj.
Mediat italiane shkruajnë se gjatë meshës edhe prifti u përfshi shumë nga emocionet dhe në një moment iu desh që të ndalonte një prej predikimeve.
Vajza u përplas pranë vijave të bardha nga një furgon që drejtohej nga një 36-vjeçar italian. Autoritetet thanë se makina nuk ka qenë me shpejtësi të madhe, por goditja ka qenë fatale. ©LAPSI.al
