Dalin detaje të reja nga vrasja brenda familjes në fshatin Zhupan të Fierit ku një 31-vjeçar vrau me armë ish-bashkëshorten e tij.
Autori është Elton Metaj një emër i njohur për drejtësinë.
Një vit më parë, në 20 shtator 2020 ai e mori peng familjen e ish-bashkëshortes së tij Sabrina Bega bashkë me 25-vjeçaren.
Është dashur ndërhyrja e forcave RENEA për t’i shpëtuar jetën të resë.
Ai qëlloi 2 herë me armë zjarri në ajër, teksa ndodhej në oborrin e banesës së vjehrrit, e vetëm pas 5 orë negociatash me Policinë u vetëdorëzua.
Asokohe prindërit e 31-vjeçarit akuzonin nusen e tyre se kërcënonte të birin me thikë. Ata shtuan se nusja e ka akuzuar Eltonin se kishte marrëdhënie jashtëmartesore.
Kjo ka shkaktuar shumë debate mes tyre e duke bërë që me largimin e saj nga shtëpia, 31-vjeçari të binte në depresion.
Duke mos duruar më asnjë prej akuzave, e reja kishte shkuar tek prindërit e saj. Çifti kishte një fëmijë të vogël. ©LAPSI.al
