Presidenti i Serbisë, Aleksandër Vuçiç ka shprehur edhe njëherë dëshirën për integrimin e vendit të tij në BE, megjithatë, vë theksin te marrëdhëniet e mira që i interesojnë edhe me lindjen.
Vuçiç thotë se Serbia aspiron anëtarësimin në BE dhe kjo është më e rëndësishmja, por shtoi se kjo nuk do të thotë se do t’i prishë marrëdhëniet me Rusinë e Kinën.
Sipas tij, jo gjithçka varet nga Serbia në këtë drejtim. Serbia ka pasur historikisht marrëdhënie të mira me Rusinë, teksa është në negociata me BE-në për anëtarësim.
