Dhjetëra hektarë pyll me pisha janë nën pushtetin e flakëve në fshatin Gjorgos të Fierit. Zjarri ka filluar mëngjesin e së shtunës dhe i ndihmuar nga era flakët po përparojnë me shpejtësi.
Për fikjen e zjarrit janë angazhuar 12 punonjës dhe një mjet zjarrfikës.
Terreni i vështirë dhe era e fortë e vështirësojnë fikjen e zjarrit, ndërsa zjarrfikësit po punojnë me të gjitha mjetet për lokalizimin dhe fikjen e zjarrit.
Ndërkohë, në mesditë, në ndihmë të zjarrfikësve ka ardhur edhe një helikopter që po ndihmon në fikjen e zjarrit nga ajri.
Për fat të mirë zjarri nuk paraqet rrezik për banorët, pasi është larg zonave të banuara.
