Vajza që shihni në foto është 19-vjeçarja Xhesika Mjekra e cila humbi jetën në orët e vona të mbrëmjes së djeshme, gjatë një aksidenti automobilistik në bypassin e Fierit. Ishte 19-vjeçarja ajo që po drejtonte automjetin tip ‘Benz’, teksa humbi kontrollin, ndërsa si pasojë e përplasjes u plagos rëndë ajo vetë dhe pasagjeri, një 21-vjeçar. E reja humbi jetën rrugës për në spital, ndërsa 21-vjeçari ndodhet në Spitalin e Fierit. Policia po heton më tej për zbardhjen e shkaqeve të këtij aksidenti tragjik.
