Një operacion blic është zhvilluar mesditën e sotme në ambientet e paraburgimit të Vlorës. Rreth 100 efektivë nga Tirana kanë zbarkuar në këtë institucion me urdhër nga Drejtoria e Përgjithshme e Policisë në Tiranë.
Edhe pse u nis me shumë bujë, mësohet se nuk është gjetur ndonjë gjë e jashtëligjshme. Burimet thanë se në sendet e sekuestruara janë disa televizorë pa vulën e institucionit dhe tenxhere të vjetra.
Në procesverbal është nënvizuar që drejtuesit e institucionit të paraburgimit të Vlorës të kryejnë riverifikimin e vulave të sigurisë për të gjitha elektro-shtëpiaket që ndodhen në burg. Synimi i kontrollit ishte gjetja e celularëve, alkoolit apo lëndëve narkotike. ©LAPSI.al
