Një person është gjetur pa shenja jete sot në një motel në magjistralen Prishtinë-Podujevë, saktësisht në fshatin Prugovc.
Viktima është i moshës 65 vjeçare, por identiteti i tij nuk dihet.
“Rreth orës 08:30 është pranuar informata për një person pa shenja jete në fshatin Prugovc. Policia menjëherë ka dalë ne vendin e ngjarjes po ashtu edhe ekipi i mjekëve emergjent të cilët kanë konstatuar vdekjen e viktimës”, ka thënë zëdhënësi i policisë për rajonin e Prishtinës, Agron Borovci për Telegrafin.
Borovci ka shtuar se lidhur me rastin policia ka nisur një hetim per rrethanat e ngjarjes.
Aktualisht rasti po trajtohet si vdekje e dyshimtë dhe policia po kontrollon regjistrin e hotelit per te pare me ke ka qene i shoqeruar viktima.
