Presidenti i Parlamentit Europian, David Sassoli, duke folur pas takimit me krerët e BE-së ka apeluar që Bashkimi Europian të mbajë fjalën ndaj Shqipërisë dhe Maqedonisë së Veriut për negociatat.
"Shqipërisë dhe Maqedonisë së Veriut iu kërkua të bënin sakrificva me reformat. Nëse detyrat u kryen atëherë edhe BE duhet të mbajë premtimin" tha Sassoli.
Presidenti i Parlamentit Europian tha se ka disa qëndrime për negociatat e Shqipërisë dhe Maqedonisë së Veriut.
Gjatë fjalët së tij, Sassoli foli edhe për Brexit, duke u shprehur se Parlamenti Evropian është në gjendje të ratifikojë marrëveshjen e rishikuar para afatit të 31 tetorit.
"Ne jemi të gatshëm të bëjmë detyrën tonë, pra të shqyrtojmë tekstin dhe të miratojmë procedurën e nevojshme në mënyrë që të respektohen afatet," u tha ai gazetarëve.
Marrëveshja gjithashtu duhet të ratifikohet nga parlamenti britanik.
