Një bandë grabitesish është shkatërruar në Torino, ku pas hetimeve u zbuluan së paku 17 raste grabitjesh në banesa.
Në pranga janë vënë disa anetarë të bandës, shqiptarë dhe italianë, por ende nuk bëhën të ditur emrat e tyre.
Mediat fqinje shkruajne se ata shkonin nëpër banesa, që i piketonin që më parë, duke perfituar nga nata, kur pronarët ishin në gjumë.
Kryesisht grabisnin banesa që ishin disi të izoluara, për të mos u parë nga persona të tjerë, ndërkohë që më vete mbanin shkopinj dhe thika që të vepronin nëse diktoheshin nga pronarët e shtëpive.
Policia ka dokumentuar 17 raste grabitjesh në Torino, në provincat e Biella, Novara dhe Perugia.
Ata merrnin nga banesat sende floriri, ora, bizhu dhe para të thata, shpesh edhe makinat dhe largoheshin.
