I ftuar mëngjesin e sotëm në emisionin “Rreze Dielli”, aktori dhe moderatori i “Portokalli”, Salsano Rrapi, ka rrëfyer si rrallëherë të pathënat nga puna e tij.
Ai tregoi se të aktrosh dhe të moderosh në të njëjtën kohë është diçka e vështirë, megjithatë Salsano përpiqet t’i bëjë më së miri. Ai veçon aktrimin si punën e tij të preferuar, e cila e ka bërë prej kohësh të famshëm në “Portokalli”.
I pyetur për ndryshimet e këtij sezoni dhe largimin e aktorëve nga emisioni i humorit, Salsano rrëfeu se një largim që e kishte surprizuar ishte ai i Delinda Dishës.
Sipas tij, aktorja ishte larguar fshehurazi, pa njoftuar më parë se kishte ndërmend të largohej.
“Ishte pak çudi sepse ajo iku si me thënë fshehurazi. Mbasi bëmë turneun e “Portokallisë”, vetëm kur i kishte thënë regjisorit që do largohem”,- u shpreh Salsano sipas “Shqiptarja.com”.
Gjithashtu, aktori rrefeu se i vetmi person i larguar nga “Portokalli”, me të cilin tashmë nuk fliste më, ishte Julian Deda.
Ai tregoi se mes tyre nuk kishte pasur asnjë konflikt, thjesht ashtu kishin rrjedhur gjërat.
