Edhe pse ka kaluar një vit qëkur e ka nisur terapinë, ajo e ka të vështirë ta mbajë veten e të mos i dërgojë mesazhe erotike një djali që ka parë në rrjetet shoqërore. Vajza britanike kishte varësi nga seksi, e kishte si mënyrë të vetme për të gjetur ngushëllim. Ajo nuk e mban mend se sa partnerë ka pasur gjithsej, por varësia e ka bërë të shkojë edhe me gjashtë persona që sapo i kishte njohur, brenda një nate të vetme.
Por pasi u bë me fëmijë, gjithçka nisi ta shohë me një tjetër këndvështrim. Jeta që bënte mund t’i krijonte vështirësi fëmijës, ndaj ajo vendosi të kërkojë ndihmë nga psikologë profesionistë. Tani që ndihet se e ka kaluar fazën e varësisë, ajo ka shkruar një libër, “Ditari i një të varure nga seksi”, të bazuar kryesisht në jetën e saj.
