Një aksident rrugor ka ndodhur pak minuta më parë tek Rruga “Jordan Misja” në kryeqytet, që njihet ndryshe edhe si “Rruga e Burgut”.
Nga informacionet paraprake mësohet se drejtuesi i një automjeti ka humbur kontrollin dhe për pasojë ka depërtuar në brendësi të ambienteve të një dyqani, duke shkaktuar 3 të lënduar.
Sipas dëshmisë së një të pranishmi në vendngjarje, të plagosurit, që ndodhen jashtë rrezikut për jetën, po konsumonin kafe në këtë pikë shitjeje në momentin e aksidentit.
Forcat policore kanë mbërritur në terren për të kryer zbardhjen e plotë të rrethanave dhe të shkaqeve të aksidentit.
