Lulzim Basha i është bashkuar protestës së artistëve dhe shoqërisë civile për të mbrojtur godinën e Teatrit Kombëtar dhe deklaroi hapur mbështetjen e partisë më të madhe të opozitës ndaj kauzës për ta ruajtur këtë godinë.
“Betejën po e bëjnë artistët dhe aleanca për Teatrin, ne jemi në mbështetje të tyre dhe do të jemi në mbështetje me të gjitha format dhe mjetet. Çdo përpjekje për të hapur gropën e teatrit të kthehet në gropën e Ramës.
Opozita ka qenë dhe do të jetë këtu siç po e shikoni, çështja është që para çdo shqiptari po duket qartë se nuk kemi qeveri por një bandë dhe duhet të kuptojnë se kjo që po ndodh këtu mund të ndodhë në çdo shtëpi” - u shpreh Basha.
