Një aksident i rëndë ka ndodhur në orët e para të mëngjesit të sotëm në Divjakë, me pasojë vdekjen e një 57-vjeçari.
Policia njofton se ka humbur jetën shtetasi A. M., i cili ka qenë duke drejtuar mjetin, ndërsa është plagosur djali i tij, Rr. M.
Informacion paraparak i policisë:
Sot rreth orës 05:30, në vendin e quajtur “Tre urat” Çermë Sektor, shtetasi A.M, 57 vjeç, duke drejtuar mjetin tip “Ford” ka dalë nga rruga.
Për pasojë ka gjetur vdekjen në vend drejtuesi i mjetit dhe është dëmtuar djali i tij shtetasi Rr.M, i cili ndodhet në Spitalin e Lushnjes nën kujdesin e mjekëve. Grupi hetimor po punon për zbardhjen e shkakut të daljes së mjetit nga rruga.
